Հիսուսն իշխանություն ուներ Իր անձը դնելու և Իր անձը վերցնելու։ Եթե Նա կամենար խուսափել չարչարանքներից և խաչից, ապա Հայրը հրեշտակների գնդեր կուղարկեր և կազատեր Նրան, կամ էլ ինչպես Եղիային՝ հրեղեն կառքով երկինք կտաներ, և Նա մահ չէր ճաշակի։ Ո՛չ Պիղատոսը, ո՛չ հռոմեացի զինվորները, ո՛չ հրեա քահանայապետերը, ո՛չ հրապարակում հավաքված ամբոխը, ո՛չ էլ սատանան չէին կարողանա խանգարել Աստծուն։